لحتى دق ناقوس الخطر بأني بلشت افقد السيطرة على قلقي وبالعكس صار القلق يتحكم فيني .. وقتها فكرت الجئ لأخصائية نفسية والله جمعني برواية زين العابدين

تقنيات كتير تعلمتها مع راوية لخفف حدة القلق كيف شتت الفكرة .. او واجهها

كيف خفف من الاعراض المصاحبة للفكرة القلقية ” وهي اعراض صعبة جداً جداً ”

حكيت حكيت حكيت كتير لنعرف اساس القلق من الطفولة … عرفت حالي  كطفلة اكتر .. شو الشي يلي خلى راما الطفلة تقلق بهداك الوقت

وبلشت رحلة علاج كانت بدايتها من سنتين تقريباً ولهلئ مواظبة على جلسات فرغ فيها كل شعور سلبي كل نكسة وكل فكرة قلقية

صبر تفهم وتعاون كتير كبير كان من طرف راوية وحرص كبير كتير كنت المسو بكل مرة

التعامل كان انساني جدا .. راوية قادرة تحاكيني اكثر  من وقت الجلسة بصفتها راوية الانسان قبل معالجة او حتى طبيبة

وهاد هو سر نجاح رحلتي .. بقول نجاح رغم الانتكاسات

بالعلاج النفسي انت محتاج انسان يساندك اكثر من معالج ..  وهاد يلي لقيتو

عملت مع راوية عدة تدريبات كانت حلوة كتير كتير تقاعلية واقعية لابعد حد

تدريب ادارة الضغوط .. ما بظن في حدا ما بيحتاجو تعلمت في كيف اعطي نفسي حقها قبل ما طالبها بالنجاح والانجاز والعطاء

وتدريب المراهقة تعلمت في شو يعني مراهقة وكيف اتعامل معها

واهم ما تعلمتو فيا صراحة هو انو الام انسااان وليس (سوبر ماما) واديه نحنا بحاجة حدا يعلمنا نكون واقعين بعيدين عن المثالية الكاذبة

تجربة علاجي مع راوية هي رحلة وعي طويلة شفت فيا حالي وتعرفت على دواخلي .. اطلعت من جحيم القلق وعرفت ابني حياة اجتماعية متوازنة اكتر وعلاقات ناجحة اكتر !